په صفت د څوک مکين د پاس اسمان کړو
څوک په نفس د را بهر د خلد مکان کړو
چې انا او ضد دې مل زما افغان کړو
خدايه پاکه ژوند دې ډير راته اوس ګران کړو
دا زما د خپله لاسه په ما کيږي
چي زما غلام د نن زما سلطان کړو
دا د خپلو خطاګانو سزا مومي
پښتنو چې خپل وطن د جنګ ميدان کړو
نور د صبر د زغملو توان مو نيشته
ډير دې اوږد دا د صبر امتحان کړو
پاکه خدايه ستا په لوئي کرم به کيږي
په دا خپل تدبير کښي پاتې د انسان کړو
لويه خدايه بس د امن دعا غواړم
د فيروز دې که پوره دغه ارمان کړو
وېشنيزه:فېروز خان اپريدی وېشنيزه:شعرونه د