FANDOM


(عزت الله ذکي)

عزت الله ذکي

يو ښايسته غوندي نړۍ ده

پکښي لمر دی هم سپوږمۍ ده

****

مخلوقات ټول پکښي اوسيږي

خو په خپل شکل کښي ګيردۍ ده

****

د بشريت د زېږون ځای دئ

مالومه له تاريخه پخوانۍ ده

****

محل د ازل او مزل دواړو

که څه هم نورو ته کوچنۍ ده

****

بشر پکي پيدا پکي ښخيږي

پلمه د ژوند ده آزادۍ ده

****

د عزت او ذلت ځای دئ

خبره د اسلام، مسلمانۍ ده

****

څوک خوشحال پکي اوسيږي

چاته پېلامه د بدبختۍ ده

****

چا پکي عجيبه مزې وکړې

د چا کفن پکار دی، ليونۍ ده

****

بس په هر چا باندي تيريږي

ذکي وايمه ناڅي ښاپېرۍ ده

۱۳۹۸/قوس/۱۲مه

غرمه

شعر

Community content is available under CC-BY-SA unless otherwise noted.